心理學：心路歷程分享

A話說我本來都係一個唔睇心理學書嘅人，一路都有種錯覺，覺得啲心理學書應該係咁講埋啲“這空氣多麼清新這世界多麼美麗”之類嘅廢話去“逼”人正面思考。

但有次係舊書店到見到一本叫「行為改變技術（陳榮華 著）」嘅書，超級厚der。
佢個書名勾起左我嘅控制慾。

如果我睇完本書，係咪可以陰啲陰啲改變／控制人？
抱住好奇嘅心，我掀開左本書。

裡面有提到啲動物實驗，令我產生左厭惡感。
我掀多幾頁，見到本書都唔係講啲虛野，真係有具體方法同對人實驗去試過。
但始終動物實驗呢樣野都係令我退卻左。

到第二次行番同一間書店，本書仲係度。
我忍唔住又掀多幾掀，見啲動物實驗已經係N年之前（我心裡面開始搵理由說服自己買） ，買書又冇支持左佢做實驗係咪無所謂呢？
總之我個下說服成功左，我就帶左佢番屋企。

當時因屋企啲書太多，見到就煩已經比我清左好多，但我又帶本咁厚嘅番黎。
我決心唔可以再買完書番黎唔睇。
就逼自己隨身帶住本咁厚嘅書，咁重又帶左係身，唔睇好蝕！

又真係慢慢睇左大部份（我懷疑係因為藥，咪邊有咁好耐性）。
裡面提過嘅幾個方法，我係睇書之前咁岩不知不覺對我媽同貓應用過，又真係Work！
我隻貓有腎病要打皮下水，一開始佢反抗到不得了，幾個人夾住都唔多得。
我無曬計，我慢慢自己諗同時上網又睇好多方法（不過無嘜邊幾個方法真係岩我用）。
而我無可能長遠住係我媽度，唔會日日有幾個人夾得住隻貓，總要有個方法自己一個人都打水。
最後我都成功左，可以自己一個人都打到。而我用嘅方法同本書裡面教嘅都好接近。
呢個係一個將不可能化為可能嘅時刻。簡直想喊。
我媽一開頭聽到話要打水都話唔好搞佢，耍首擰頭話佢唔敢打。
我慢慢一步一步黎都令到佢學識左打（逐減敏感原理），以家佢可以完全自己處理。

睇完本書，我更加有個信念，好多野你以為唔得，根本無可能發生，其實好可能係執行嘅方法有問題，只係需要修改，而唔係放棄。

亦都係因為呢個信念，我開始左睇心理學相關嘅書，我希望可以從書裡面搵到方法去解決我生活嘅難題。我情緒嘅躁動。

之後接下黎呢半年我都睇左十幾本心理學／邏輯／催眠／記憶力嘅書。
一開頭我諗我係咪邊度邏輯錯左，所以先同人溝通力一般，條思路唔太一樣。
後尾睇多幾本心理學書先知自己根本性重點錯。
人類基本上係情感嘅動物，Logic對佢地黎講排位唔係排好高（Sorry，我慣性置身事外）。
我開始從另一個角度睇野，唔係單以事件是否正確／完成速度快與慢黎行事。

或者轉個講法，改成 正確＋速度＋感覺完滿度 黎行事。因為我發現，如果我唔將人類情感納入考慮範圍內，單純以前兩者行事，事情相關嘅人會容易產生不安（因為我冇比到Signal佢地件事係順利進行緊），導致佢地會做出我預計外嘅反應行為，最後件事就失敗／拖慢左！事關人員亦會因此較失去信心，下一次更不安，造成惡性循環！

一個簡單例子：

我想向A同事借支筆用。

首先支筆係公司嘅。
A同事亦都冇用緊。
我亦都係用支筆黎做公司野。

因 過去經驗A同事都會答應借比人／反正支筆嘅擁有權唔係A同事，所以唔存在向佢“借”呢個根本性問題

推算出 我咩都唔講（咁樣佢亦都唔洗曬時間回應我）直接拎走支筆去用 快D用完快D還比佢等佢有得用
係最快完成事件，亦唔會有任何出錯導致無法完成借筆／借錯物件嘅情況。

但實際情況係就咁咩都唔講就拎左人野（至少對方認為佢有擁有權），人就會產生負面情緒。因為佢覺得被侵犯領域。
到你還筆嘅時候佢就會向你發洩呢個情緒，繼而拖慢左你做下一件事。
又或者佢咩都唔會講，但心底不滿你，有機會係其他方面做出”預計外行為“黎發洩情緒。
無論邊種，好大機會，對方會有戒心，下次你想借筆嘅時候就百般阻撓。
所以結論係，長遠黎睇，單純以前兩者行事係成功較低，唔多WORK！
行動計算埋感覺完滿度先係真正嘅好同有效率！

回歸正題，我覺得睇完呢十幾本書令我開始捉到路點去同人相處，以前令我覺得煩厭同諗唔明嘅溝通地方都開始明白。個人peaceful左。

So far其實睇完都唔會話即時可以改善到，好多技巧都係要練習。我覺得同Language係一樣，係要浸嘅。事情發生時你當下嘅第一感覺、第一反應、第一思考，要改變就要慢慢努力，逐少逐少黎。共勉之。

以下就係我睇過嘅書單（持續更新2018-07-09）：

﹣心理學﹣

「行為改變技術」陳榮華 著
http://www.books.com.tw/products/0010047478
5星推薦。
有好多分析人類行為嘅基本概念。雖然對深入嘅人類社交互動行為無太多個別分析，但如果你想改變 動物/細路/身邊親密嘅人嘅行為 你可以嘗試用佢啲方法！
優：內容由淺入深，提示具體方法同實驗資料。
缺：實驗對象多是動物/兒童/智力有問題嘅人，如果想應用係正常智力嘅成人上要再用用腦如何靈活運用佢嘅技巧又唔比人發覺。

「哈佛這樣教談判力：增強優勢，談出利多人和的好結果」Roger Fisher, William Ury, Bruce Patton 著
http://www.books.com.tw/products/0010590581
5星推薦。
ADD本書個作者介紹人睇。雖然內容偏商業，但亦可應用係日常生活溝通上。
優：教你打破思維框框，同具體問題解決方法。
缺：偏商業。

「情緒勒索：遇到利用恐懼、責任與罪惡感控制你的人，該怎麼辦？」Susan Forward, Donna Frazier 著
http://www.books.com.tw/products/0010762199
5星推薦。
我覺得呢本補完左「談判力」嘅盲點。 「談判力」主要講只要多角度咁同人傾傾傾黎解決問題。但當對方根本唔想同你傾個陣你就唔知點做了。而呢本雖然主題係情緒勒索，但裡面有講面對唔想同你傾，只想贏你嘅人嘅應付方法。同時我覺得幾適合教人Say no同提升番自我到應有水平。
優：對於不同又常見嘅勒索個案提供具體嘅解決方法，非常生活化同具體。
缺：諗唔到住

「跟誰都有好交情的心理學」Pawpaw Poroduction 著
https://www.kingstone.com.tw/book/book_page.asp?kmcode=2011770848912
4星推薦。
呢本係求其係圖書館借嘅時候遇到。意外地幾實用。裡面淺談好多唔同啲心理學理論，同埋一啲幫助溝通嘅小方法。
優：咩都有，補下心理學底加提高溝通技巧。
缺：唔夠深入

「傾聽：讓關係更美好」Michael P. Nichols 著
https://www.kingstone.com.tw/book/book_page.asp?kmcode=2011770725541&lid=search&actid=wise
4星推薦。
對於明明大家有“溝通（講野）”，但都係溝通唔到嘅問題幾有幫助。積極聆聽教你點有效同人真·溝通。
優：用概念去說服你，令你打從心底更有同理心。詳解“積極聆聽”。
缺：有啲冗長苦悶。（有啲地方我未完全同理到理解到，或者遲啲有機會翻睇又再會有唔同體會。）

「The Power of Habit」Charles Duhigg 著
https://www.amazon.com/Power-Habit-What-Life-Business/dp/081298160X
http://www.books.com.tw/products/0010560033
呢本野著重講好多行為都係純粹一個習慣，而唔係由理性思考過先做。
都幾有意思，佢亦都提供左好多實際案例去講習慣點樣影響一個人嘅生活同企業管理。
（我睇英文版有3成篇幅都係提供返實際案例嘅reference資料，我幾鐘意呢點。）
另外亦有提供具體方法點去改變自己嘅習慣。

「為什麼我們經常誤解人心？」 Nicholas Epley 著
http://www.books.com.tw/products/0010656290
2018年今年我都注重睇啲點樣可以更加包容人嘅書，好多時候理智上都知道正確做法，但情感上仲未轉變到，見呢本書好似提供到新角度就睇下。
我睇左3/4仲未睇曬，佢比較講解人與人之間點解咁多鴻溝，同埋有點我好appreciate係佢提供好多實際數據去prove佢嘅理論。
希望淨底個1/4會比例具體去講點解決。

以下不評好壞，感覺都差唔多，睇多左其實講黎講去都係個幾督屁。不過建議大家都搵一兩本睇一睇，理解下基本再去睇上面嘅書更有得著。

「零誤解說話法」平木典子 著
http://www.books.com.tw/products/0010563520

「心理專家的說話技巧：教你說話不委屈，做人沒壓力」 津田秀樹、西村銳介 著
http://www.books.com.tw/products/0010549990

「聽懂暗示，跟誰都能聊不停：【圖解】50個提問、附和、暗示的傾聽技巧」平木典子 著
http://www.books.com.tw/products/0010667484

「圖解讀心術」渋谷昌三 著
http://www.books.com.tw/products/0010626741

「關鍵時候的接話藝術：怎麼搭腔、怎麼回答？對方會開始講重點，認為你專心聽，讓你不靠口才就打動人心。」櫻井弘 著
http://www.books.com.tw/products/0010683340

「Communication Mosaics: An Introduction to the Field of Communication」Wood, Julia T. 著
http://www.books.com.tw/products/F013591622

網站：

カウンセリングサービス（日語）
http://www.counselingservice.jp/lecture/lecture.html
呢個網站對我獲益良多。當初有少少興趣想睇心理學書但又未有行動力嘅時候，我睇左呢個網站，引起我更大嘅興趣。
有啲我原本沒諗到嘅負面觀點，經佢點醒都睇到有正面嘅地方。
譬如，有個人好唔鐘意負責任，我諗正常無人覺得呢點係好。但轉個頭諗，點解佢唔鐘意負責任？因為負責任麻煩，做事愈想完美嘅人就覺得愈麻煩。都係因為有一個想做好佢嘅心，但又驚搞唔掂先唔鐘意負責任啫（當然唔係支持不負責任好，但係認識到個問題係邊先知邊到開始解決）。

ビジネス会話のきいろわビズ（日語）
http://kiirowa.biz/

会話のコツ吉（日語）
https://kaiwanokotsukichi.com/

﹣邏輯﹣

「Attacking Faulty Reasoning 」T. Edward Damer 著
https://www.amazon.com/Attacking-Faulty-Reasoning-Edward-Damer/dp/1133049982
「Asking the Right Questions 」M. Neil Browne、Stuart M. Keeley 著
https://www.amazon.com/Asking-Right-Questions-11th-Browne/dp/0321907957
http://www.books.com.tw/products/00105179395星推薦。
我係睇完下面個本先睇上面個本，兩本講嘅野大部份都差唔多，但比唔同嘅例子，夾埋睇完我覺得概念更加清晰。
佢提供左好多平時覺得怪怪地應該係錯但又諗唔個實際問題係邊嘅例子解釋比你聽。亦都有練習比你做。
同時我建議英文比較好嘅人都係睇返英文原版，始終中英語言結構差好遠，睇中文可能會有唔清楚嘅地方。

「批判性思考：跳脫慣性的思考模式」Stella Cottrell 著
http://www.books.com.tw/products/0010621175
4星推薦。
優：有練習做，有詳細解答，由淺入深。
缺：諗唔到

以下呢兩本都係偏商業。
雖然本書都有啲野講到下，我唔係咁食到。

「麥肯錫新人邏輯思考5堂課：只要一小時，就可學會一生受用的邏輯思考法則」 大祥譽 著
http://www.books.com.tw/products/0010679873

「邏輯思考法圖解」西村克己 著
http://www.books.com.tw/products/0010624091

﹣催眠﹣

「做自己的心理催眠師——圖解催眠自療」方婷 著
http://www.cp1897.com.hk/product_info.php?BookId=9789888290673
我係本著對自己催眠，解決某啲不適當嘅第一反應問題而睇。
都算有用，提供啲放鬆自己嘅方法。

﹣記憶﹣

「這樣記不會忘：用腦科學打造記憶力」兒玉光雄 著
http://www.books.com.tw/products/0010454376
方法有效與否視乎人。不過有啲理論嘅野都實用有趣嘅。

﹣ADD／ADHD﹣

「分心不是我的錯：正確診療ADD，重建有計畫的生活方式」 Edward M. Hallowell, John J. Ratey 著
http://www.books.com.tw/products/0010687149
我幾推薦有ADD/ADHD嘅人睇呢本書，呢本係我第一本睇嘅相關書籍。佢將啲唔同病患嘅個案分析得幾好。同埋會引導番你去正確嘅心態面對呢個病。亦都有啲實際嘅技巧教你處理生活嘅麻煩。

「不是你不再有吸引力，是他缺乏注意力 」Melissa Orlov 著
https://www.kingstone.com.tw/book/book_page.asp?kmcode=2014150323948
其實我睇左英文版少少，未睇曬。但遲啲會再搵番中文版睇先。寫呢方面相關嘅書唔多，而我覺得我兩性相處間都有啲心態要調較下。